நடிகர் விஜய் இன்று கட்சி பெயர் அறிவித்ததை தொடர்ந்துவிஜய் மக்கள் இயக்க மன்ற
நிர்வாகிகள் நலத்திட்ட உதவிகளும் வழங்கியும் பட்டாசு வெடித்தும் கொண்டாடினர்.

நடிகர் விஜய் மக்கள் இயக்கம் என்ற இயக்கத்தை நடத்தி பல்வேறு உதவிகளை செய்து
வந்தார் இந்த நிலையில் விஜய் மக்கள் இயக்கம் டெல்லி தேர்தல் ஆணையத்தில் பதிவு
செய்து இன்று முதல் கட்சியாக விஜய் கட்சியின் பெயரை தமிழக வெற்றி கழகம் என
அறிவித்தார் இதனை தொடர்ந்து விஜய் மக்கள் இயக்க நிர்வாகிகள் பல்வேறு
இடங்களில் பட்டாசுகள் வெடித்தும் நலத்திட்ட உதவிகளை வழங்கியும் கொண்டாடி
வருகின்றனர். இதன் ஒரு பகுதியாக இன்று மதுரை மாநகர் தெற்கு மாவட்ட விஜய்
மக்கள் இயக்கம் மாவட்ட தலைவர் தங்கபாண்டியன் இளைஞரணி தலைவர் சதீஸ் தலைமையில்
மதுரை மேலமாசி வீதி வடக்குமாசி வீதி சந்திப்பு பகுதியில் உள்ள நேரு ஆலால
சுந்தர விநாயகர் கோவிலில் தேங்காய் உடைத்தும். நடிகர் விஜயின் படத்திற்கு
தீபாரதனை காண்பித்தும் வழிபாடு செய்தனர். தொடர்ந்து பொதுமக்களுடன்
கேக்வெட்டியும் இனிப்புகளை வழங்கியும் பட்டாசுகள் வெடித்தும் கொண்டாடினர்.
தொடர்ந்து ஆட்டோ ஓட்டுனர்களுக்கு சீருடைக்கான துணிகளை வழங்கி நலத்திட்ட
உதவிகள் வழங்கினர்.

தொடர்ந்து செய்தியாளர்களை சந்தித்து பேசிய ரசிகர்கள் : அரசியலில்
களமெடுத்துள்ளோம், மக்களுக்கான பிரச்சனையை முன்னிறுத்துவோம் என்றனர்.