டென்வர் சர்வதேச விமான நிலையத்திலிருந்து புறப்படவிருந்த அமெரிக்கன் ஏர்லைன்ஸ் நிறுவனத்தின் போயிங் 737 MAX 8 விமானத்தில் தீப்பற்றியதால் பயணிகள் பதறியடித்து கொண்டு வெளியேறினர்.

டென்வரில் இருந்து மியாமிக்கு புறப்பட தயாராக இருந்த அமெரிக்கன் ஏர்லைன்ஸ் போயிங் விமானத்தின் தரையிரங்கும் கியரில் ஏற்பட்ட கோளாறால் அதன் டயரில் தீப்பற்றியது.

அடர்த்தியான கரும்புகை பரவியதையடுத்து அச்சமடைந்த பயணிகள் அவசர கால ரப்பர் சறுக்குகள் வழியாக பதறியடித்து கொண்டு வெளியேறினர். விரைந்து வந்த தீயணைப்புத் துறையினர் தீயை அணைத்தனர்.