கவிஞரும், எழுத்தாளருமான புவியரசு மறைவுக்கு முதலமைச்சர் விஜய் இரங்கல் தெரிவித்து உள்ளார். "கவிஞர் புவியரசின் பங்களிப்பை போற்றி அவரது இறுதிப் பயணத்திற்கு அரசு மரியாதை வழங்கப்படும்" என்றும் முதலமைச்சர் விஜய் அறிவித்துள்ளார்.

சாகித்ய அகாடமி விருதாளர்
இரண்டு முறை சாகித்ய அகாடமி விருது பெற்ற எழுத்​தாள​ரும், கவிஞரு​மான புவியரசு, கோவை​யில் கால​மா​னார். அவருக்கு வயது 96. கோவை​யில் வசித்து வந்​தவர் கவிஞர் புவியரசு. இவரது மனைவி, மகன் இறந்​து​விட்ட நிலை​யில், 2 மகள்​கள் உள்​ளனர். இந்​நிலை​யில், வயது மூப்பு காரண​மாக நேற்று காலை அவர் உயி​ரிழந்​தார். அவரது இறு​திச் சடங்​கு​கள் இன்று ஜூலை 1ஆம் தேதி பெரிய​நாயக்​கன்​பாளை​யத்​தில் உள்ள பிரிக்​கால் எரியூட்டு மயானத்​தில் நடை​பெறுகிறது.

100க்கும் மேற்பட்ட புத்தகங்கள்
கவிதை, மொழிபெயர்ப்பு சார்ந்து 120 புத்​தகங்​களை எழுதி உள்​ளார். வானம்​பாடி இயக்​கத்​தில் மூத்த முன்​னோடி​யாக இருந்தவர். ஆங்​கிலம், ரஷ்யன், மலை​யாளம், ஹிந்தி மொழி நூல்​களை தமிழாக்​கம் செய்​து உள்​ளார்.

திரைப்​படத் துறை​யிலும் கால் பதித்​துள்ள புவியரசு, நடிகர் கமலின் இலக்​கிய நண்​பர். இவர் எழு​திய ‘கையொப்​பம்’ கவிதை தொகுப்​புக்​கும், ‘புரட்​சிக்​காரன்’ வங்க மொழிபெயர்ப்பு நூலுக்​கும் இரண்டு முறை சாகித்ய அகாடமி விருது கிடைத்துள்ளது.

புவியரசு மறைவு, இரங்கல்
கவிஞர் புவியரசு மறைவுக்கு இ.கம்​யூ. கட்​சி​யின் கோவை மாவட்ட செய​லா​ளர் சிவ​சாமி, தமிழ்​நாடு கலை இலக்​கிய பெரு​மன்​ற மாவட்ட செய​லா​ளர் ரமணி மற்​றும் எழுத்​தாளர்​கள், கலை இலக்​கிய செயற்​பாட்​டாளர்​கள் இரங்​கலை தெரி​வித்தனர். திருப்​பூர் மாவட்​டம் உடுமலை அருகே லிங்​கம​நாயக்​கன்​புதூர் கிராமத்​தில் பிறந்​தவர் புவியரசு. இவருக்கு பெற்​றோர் வைத்த பெயர் ஜெக​நாதன். தமிழ் மீது கொண்ட பற்றால், புவியரசு என பெயரை மாற்​றிக்​கொண்​டார்.

Related Link

ஆபரணத் தங்கத்தின் விலை சவரனுக்கு ரூ.800 குறைவு