அமெரிக்காவின் கலிபோர்னியா மாநிலத்தில் சினிமா காட்சிகளை விஞ்சும் அளவுக்கு, நகைக்கடையில் நடந்த கொள்ளை சம்பவம் தொடர்பான சிசிடிவி காட்சிகள் வெளியாகியுள்ளது.

பட்டப்பகலில் 6 கார்களில் முகமூடி அணிந்து வந்த 25 கொள்ளையர்கள், துப்பாக்கி உள்ளிட்ட பயங்கர ஆயுதங்களுடன் கடைக்குள் நுழைந்தனர். ஊழியர்கள் சுதாரிப்பதற்குள் கண்ணாடிகளை உடைத்து சுமார் 9 கோடி ரூபாய் மதிப்பிலான பொருட்களை கொள்ளையடித்துக் கொண்டு தப்பிச் சென்றனர். 

தப்பிச் செல்லும் அவசரத்தில் வழியில் தவறவிட்ட சில நகைகளை மீட்ட போலீசார், சந்தேகத்தின் அடிப்படையில் 7 பேரை கைது செய்து விசாரித்து வருகின்றனர்.