எம்பிபிஎஸ், BDS உள்ளிட்ட இளநிலை மருத்துவப் படிப்பு மாணவர் சேர்க்கைக்கான நீட் தேர்வு, நாடு முழுவதும் இன்று நடக்கிறது. தமிழ், ஆங்கிலம் உள்ளிட்ட 13 மொழிகளில் மாணவர்கள் தேர்வு எழுத வசதி செய்யப்பட்டு உள்ளது.

மருத்துவ மாணவர் சேர்க்கை
இளநிலை மருத்​து​வப் படிப்​பு​களில், மாணவர் சேர்க்​கைக்​கான ‘நீட்’ தேர்வு நாடு முழு​வதும் சுமார் 5,500 மையங்​களில் இன்று, மே 3ஆம் தேதி நடை​பெறுகிறது. மருத்​து​வப் படிப்​பு​களிலும் 2 லட்​சம் இடங்​கள் உள்ள நிலை​யில், 22 லட்​சம் மாணவ, மாணவி​கள், இந்த தேர்வை எழுதுகின்​றனர். நீட் தேர்வு முடிவு​களை அடுத்த மாதம் வெளி​யிட தேசியத் தேர்​வு​கள் முகமை திட்​ட​மிட்​டுள்​ளது.

பிற்​பகல் 2 மணி முதல் மாலை 5 மணி வரை
அரசு மற்​றும் தனி​யார் மருத்​து​வக் கல்​லூரி​களின் எம்​பிபிஎஸ், பிடிஎஸ் படிப்​பு​கள், சித்​தா, ஆயுர்​வே​தா, யுனானி, ஓமியோபதி படிப்​பு, ராணுவ கல்​லூரி​களில் பிஎஸ்சி நர்​சிங் படிப்​பு​கள், கால்​நடை மருத்​து​வப் படிப்​பின் அகில இந்​திய ஒதுக்​கீட்டு இடங்​கள் ஆகியவை தேசிய தகுதி மற்​றும் நுழைவுத் தேர்​வில் தகுதி பெறு​பவர்​களைக் கொண்டு நிரப்​பப்​படு​கின்​றன. இந்த தேர்வை தேசியத் தேர்​வு​கள் முகமை - என்​டிஏ ஆண்​டு​தோறும் நடத்​துகிறது. 2026-27ஆம் கல்வி ஆண்​டுக்​கான நீட் தேர்வு நாடு முழு​வதும் இன்று பிற்​பகல் 2 மணி முதல் மாலை 5 மணி வரை நடை​பெறுகிறது.

5,500 மையங்களில் தேர்வு
தமிழகத்​தில் சென்​னை, செங்​கல்​பட்​டு, திரு​வள்​ளூர், திருச்​சி, மதுரை, கோவை உள்பட 30 நகரங்​கள், நாடு முழு​வதும் 552 நகரங்​கள் மற்​றும் துபாய், அபு​தாபி, தோகா, மஸ்​கட், ரியாத், சிங்​கப்​பூர் என வெளி​நாடு​களில் 14 இடங்​களில் நீட் தேர்வு நடை​பெறுகிறது. சுமார் 5,500 மையங்​களில் நீட் தேர்வு நடை​பெறுகிறது. சுமார் 2 லட்​சம் இடங்​கள் உள்ள நிலை​யில், 9.47 லட்சம் மாணவர்​கள், 13.33 லட்​சம் மாணவி​கள் என மொத்​தம் 22.80 லட்​சம் பேர் தேர்​வுக்கு விண்​ணப்​பித்​து உள்​ளனர்.

தேசிய தேர்வு முகமை அறிவிப்பு
தமிழ், ஆங்​கிலம், இந்தி உட்பட 13 மொழிகளில் தேர்வு நடை​பெறுகிறது. இயற்​பியல், வேதி​யியல், உயி​ரியல், தாவர​வியல், விலங்​கியல் பாடங்​களில் இருந்து தலா 50 கேள்வி​கள் என மொத்​தம் 200 கேள்வி​கள் கேட்​கப்​படும். அதில் 180 கேள்வி​களுக்கு பதில் தர வேண்​டும். ஒரு கேள்விக்கு 4 மதிப்​பெண் என மொத்​தம் 720 மதிப்​பெண்​ வழங்​கப்​படு​கிறது. ஒரு தவறான பதி​லுக்கு ஒரு மதிப்​பெண் குறைக்​கப்​படும். தேர்​வர்​கள் காலை 11 மணி முதல் மதி​யம் 1.30 மணி வரை தேர்வு மையத்​துக்​குள் செல்ல அனு​ம​திக்​கப்​படு​வார்​கள். 1.30 மணிக்​குப் பிறகு வந்​தால் அனு​மதி இல்லை என்று தேசி​யத் தேர்வு முகமை அறிவித்​துள்​ளது.

Related Link

மும்பை அணியை வீழ்த்தி சென்னை அணி வெற்றி